საქართველოს კონკურენციისა და მომხმარებლის დაცვის სააგენტომ, „კონკურენციის შესახებ“ კანონის მე-113 მუხლის სავარაუდო დარღვევის ფაქტზე, სს „ბაშკირ სოდა კომპანიის“ საჩივრის განხილვა შპს „დაფნას“ წინააღმდეგ, მატერიალური დასაშვებობის ეტაპზე, პირობითი ვალდებულებების აღების შესახებ შეთანხმების გაფორმებით დაასრულა. სააგენტომ განიხილა მოპასუხე ეკონომიკური აგენტის მიერ შეთავაზებული პირობითი ვალდებულებები და მიიჩნია, რომ მათი შესრულების შედეგად, კანონის სავარაუდო დარღვევის რისკი აღარ იარსებებს. შესაბამისად, მოპასუხეს დაევალა სააგენტოს მიერ დადგენილ ვადებში განახორციელოს ის ღონისძიებები, რომლებიც უზრუნველყოფს მომჩივნის მიერ საქართველოს ტერიტორიაზე რეგისტრირებული და დაცული ინტელექტუალური საკუთრების უფლების შელახვის თავიდან აცილებასა და გამორიცხავს მომხმარებლის მხრიდან პროდუქციის აღრევას, ან აღრევის რისკს.
