საქართველოს კონკურენციისა და მომხმარებლის დაცვის სააგენტომ, ადგილობრივი ინდუსტრიის ზიანისა და მიყენებულ ზიანსა და დემპინგურ იმპორტს შორის მიზეზშედეგობრივი კავშირის შეფასების ფარგლებში დაადგინა, რომ გათვალისწინებულ პერიოდში, ბაზარზე არსებული გარემოებები ანტიდემპინგური შესწავლის სამიზნე ქვეყნებიდან იმპორტირებული პროდუქტის უარყოფითი გავლენების შესუსტებაზე მიუთითებს. 2025 წლის იანვარ-აგვისტოს პერიოდში, ანტიდემპინგური შესწავლის სამიზნე ქვეყნებიდან იმპორტის მოცულობა მკვეთრად შემცირდა, ხოლო იმპორტის საბოლოო ღირებულება გაიზარდა, რამაც ადგილობრივი ინდუსტრიის ფასზე ზეწოლა შეამცირა. ამასთან, წინა წლის შესაბამის პერიოდთან შედარებით, ადგილობრივი ინდუსტრიის მიერ არმატურის გაყიდვების ზრდის ტენდენცია გამოიკვეთა. შესაბამისად, არსებული ფაქტობრივი გარემოებებისა და სამართლებრივი სტანდარტების გათვალისწინებით, კანონის მე-4 მუხლის მე-3 პუნქტისა და წესის 22-ე მუხლის საფუძველზე, შესწავლის ორგანო მიზანშეწონილად არ მიიჩნევს სპეციალური ანტიდემპინგური ღონისძიებების დაწესებას.
საქართველოს კონკურენციისა და მომხმარებლის დაცვის სააგენტომ, ადგილობრივი ინდუსტრიის - სს „თბილისის თამბაქოს“ განცხადების საფუძველზე, აზერბაიჯანის რესპუბლიკაში წარმოებული თამბაქოს შემცველი ფილტრიანი სიგარეტების სავარაუდო დემპინგური იმპორტის შესახებ მიმდინარე შესწავლის შეწყვეტის გადაწყვეტილება მიიღო. ადგილობრივი ინდუსტრიის მიერ განცხადების განუხილველად დატოვების მოთხოვნის საფუძველს, შესწავლის დაწყების შემდეგ, ბაზარზე არსებული ვითარებისა და კონკურენტული გარემოს გაუმჯობესება წარმოადგენს. სააგენტომ შესწავლის ობიექტად განსაზღვრა აზერბაიჯანის რესპუბლიკაში წარმოებული და საქართველოში იმპორტირებული ფილტრიანი სიგარეტები თამბაქოს შემცველობით.
სომხეთიდან იმპორტირებული ფილტრიანი სიგარეტების სავარაუდო დემპინგური ფასის შესახებ მიმდინარე შესწავლა საქართველოს კონკურენციის ეროვნულმა სააგენტომ ადგილობრივი ინდუსტრიის მიერ განცხადების გახმობის შემდეგ შეწყვიტა, რაც განმცხადებლის მითითებით, მის მიერ დასმულ პრობლემურ საკითხებთან მიმართებით ბაზარზე სწრაფი პროგრესით და კონკურენტული გარემოს გაუმჯობესებით მყარდება. სააგენტომ ინფორმაცია დაამუშავა როგორც ადგილობრივი, ასევე ექსპორტიორი ქვეყნის წყაროებზე დაყრდნობით. შესწავლის მიმდინარეობის ეტაპზევე გამოიკვეთა დაინტერესებულ მხარეთა მაღალი ხარისხის ჩართულობა და თანამშრომლობაზე დაფუძნებული პროცესი. შესწავლის დაწყებას საფუძვლად დაედო სს თბილისის თამბაქოს 2023 წლის 15 მაისის განცხადების დასაშვებობის შემოწმებასთან დაკავშირებული კვლევის ანგარიში.
