საქართველოს კონკურენციისა და მომხმარებლის დაცვის სააგენტომ (GCCA) სამედიცინო - სტაციონარული და ამბულატორიული მომსახურების მიწოდების სფეროში განსახორციელებელ კონცენტრაციაზე თანხმობა გასცა. კერძოდ, საქმე ეხება სს „საქართველოს კლინიკების“ მიერ შპს „გორმედზე“ ერთპიროვნული კონტროლის მოპოვების გზით განსახორციელებელ კონცენტრაციას, რაც სააგენტოს პოზიციით, კონკურენტულ გარემოზე არსებით გავლენას არ მოახდენს.
GCCA-მა უმაღლესი განათლების სფეროში განხორციელებული კონცენტრაცია კონკურენტულ გარემოსთან თავსებადად ცნო GCCA-მა საქართველოს ეროვნული უნივერსიტეტის მიერ შავი ზღვის საერთაშორისო უნივერსიტეტის 100%-იანი წილის შეძენის გზით განხორციელებული კონცენტრაცია კონკურენტულ გარემოსთან თავსებადად ცნო - კონცენტრაციაში მონაწილე ორივე სუბიექტის საქმიანობის სფეროს უმაღლესი განათლების მიწოდება წარმოადგენს.
საქართველოს კონკურენციისა და მომხმარებლის დაცვის სააგენტომ (GCCA) ფიზიკური პირი თორნიკე კოტეტიშვილის მიერ შპს „ტკჯ“-ის 80 %-იანი წილის შეძენის გზით განხორციელებული კონცენტრაცია კონკურენტულ გარემოსთან თავსებადად ცნო.
შპს „ტკჯ“-ის საქმიანობის სფეროს საავტომობილო, საკონტეინერო და სამაცივრე-სასაწყობე დანიშნულების მქონე გათბობა-გაგრილების სისტემების რეალიზაცია და შეკეთება წარმოადგენს. განსახილველი კონცენტრაციის მხარეები და მათთან დაკავშირებული პირები ეკონომიკურ საქმიანობას ახორციელებენ სხვადასხვა ბაზრებზე. აღნიშნულის და ასევე, სამიზნე ეკონომიკური აგენტის საბაზრო პოზიციების გათვალისწინებით, სააგენტომ მიიჩნია, რომ განხორციელებული კონცენტრაცია ვერ მოახდენს გავლენას ბაზარზე და, შესაბამისად, თავსებადია კონკურენტულ გარემოსთან.
საქართველოს კონკურენციისა და მომხმარებლის დაცვის სააგენტომ (GCCA) ნაცრისფერი ცემენტისა და ბეტონის წარმოების ბაზრებზე შპს „ქართული ცემენტის“ მიერ შპს „ჯორჯიან ბილდინგ გროუფისა“ და შპს „ჯორჯიან ბილდინგ გროუფ ბეტონის“ წილების ან ქონების შეძენის გზით განსახორციელებელ კონცენტრაციაზე თანხმობა გასცა. მოთხოვნილ კონცენტრაციაზე შესაბამისი ინფორმაციის ანალიზის შედეგად დადგინდა, რომ როგორც ნაცრისფერი ცემენტის, ისე ბეტონის წარმოების ბაზრებზე კონცენტრაციის განხორციელების შემთხვევაში კონცენტრაციის ინდექსის ცვლილება დაშვებულ ნორმას გადააჭარბებდა, რის შემდეგაც დაინტერესებულმა მხარემ სააგენტოს ცვლილებები შესთავაზა - კონკრეტული ვალდებულებების აღების გზით. აღნიშნულის შესწავლა-შეფასების შედეგად, სააგენტომ განსახორციელებელი კონცენტრაცია კონკურენტულ გარემოსთან თავსებადად მიიჩნია და კონცენტრაციაზე თანხმობა გასცა.
სააგენტომ აზარტული, მომგებიანი თამაშობის მიწოდების სექტორში, შპს „ბეთლაივის“ (ს/ნ 404983238) მიერ შპს „გლობალ გეიმინგის“ (ს/ნ 405445077) 100%-იანი წილის შეძენის გზით განსახორციელებელ კონცენტრაციაზე თანხმობა გასცა. ბაზრის ანალიზის შედეგად დადგინდა, რომ 2024 წელს, აზარტული ან/და მომგებიანი თამაშების მიწოდების ბაზარზე წარმოდგენილი იყო 34 სუბიექტი. ბაზრის საერთო მოცულობამ 709 890 110.85 ლარი შეადგინა. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კი 1430.6 ერთეულს გაუტოლდა, რაც ზომიერად კონცენტრირებული ბაზრის მაჩვენებელია. ასევე, ვინაიდან შპს „ბეთლაივი“ და მასთან დაკავშირებული ეკონომიკური აგენტები კონცენტრაციის განხორციელებამდე არ არიან წარმოდგენილნი შესაბამის ბაზარზე, კონცენტრაციის განხორცილების შედეგად ადგილი არ ექნება კონცენტრაციის ინდექსის (HHI) ცვლილებას. შესაბამისად, სააგენტოს პოზიციით, განსახორციელებელი კონცეტრაცია კონკურენტულ გარემოზე არსებით გავლენას არ მოახდენს.
სააგენტომ GPS მოწყობილობების რეალიზაციის, მონტაჟისა და მონიტორინგის მომსახურების სექტორში, შპს „თეგეტა მოტორსის“ (ს/ნ 202177205) მიერ შპს „I GPS ოპერატორის“ (ს/ნ 404920289) საკონტროლო პაკეტის შეძენის გზით განსახორციელებელ კონცენტრაციაზე თანხმობა გასცა. ბაზრის ანალიზის შედეგად დადგინდა, რომ 2024 წელს, GPS მოწყობილობების სერვისების მიწოდების ბაზარზე წარმოდგენილი იყო 1000-ზე მეტი სუბიექტი. ბაზრის საერთო მოცულობამ 2 181 758 521.2 ლარი შეადგინა. ჰერფინდალ-ჰირშმანის ინდექსი (HHI) კი 990.4 ერთეულს გაუტოლდა. მოწყობილობების იმპორტის დონეზე წარმოდგენილი იყო 500-ზე მეტი სუბიექტი. ბაზრის საერთო მოცულობამ 39 488 597 ლარი შეადგინა. HHI კი 132.8 ერთეულს გაუტოლდა. ორივე შემთხვევაში ბაზარი დაბალკონცენტრირებულია, ბაზრის კონცენტრაციის ინდექსის ცვლილების მაჩვენებელი (ΔHHI) ერთ შემთხვევაში ფაქტობრივად ნულოვანია, იმპორტის დონეზე კი შეადგენს 2.5-ს. შესაბამისად, სააგენტოს პოზიციით, განსახორციელებელი კონცეტრაცია კონკურენტულ გარემოზე არსებით გავლენას არ მოახდენს.
სააგენტომ საავტომობილო გზების მშენებლობის სფეროში ფ/პ პაატა შუბითიძის მიერ შპს „ნომერი - ერთის“ 100%-იანი წილის შეძენის გზით განხორციელებული კონცენტრაცია კონკურენტულ გარემოსთან თავსებადად ცნო. კონცენტრაციის კონკურენტული ეფექტის შეფასების მიზნით განხორციელებული ანალიზის შედეგად დადგინდა, რომ 2024 წელს, ქვეყნის მასშტაბით, საავტომობილო გზების მშენებლობის ბაზარზე ეკონომიკურ საქმიანობას ახორცილებდა 608 ეკონომიკური აგენტი. ბაზრის მოცულობამ შედგინა 3 960 138 764.33 ლარი (დღგ-ს გარეშე). შესაბამისი ბაზრის კონცენტრაციის ჰერფინდალ-ჰირშმანის ინდექსმა (HHI) კონცენტრაციის განხორციელებამდე შეადგინა 197.63 ერთეული, კონცენტრაციის განხორციელების შემდგომ კი 198 ერთეულამდე გაიზარდა. ამდენად, ანალიზმა ცხადყო, რომ ბაზარი დაბალკონცენტრირებულია, ხოლო კონცენტრაციით გამოწვეული ჰერფინდალ-ჰირშმანის ინდექსის ზრდის მაჩვენებელი - უმნიშვნელო. შესაბამისად, GCCA-ის მიერ დადგინდა, რომ განხორციელებული კონცენტრაცია ბაზარზე არსებით გავლენას არ ახდენს და კონკურენტულ გარემოსთან თავსებადია.
სააგენტომ სს „გეფას“ მიერ შპს „ფაინ თრი ინთერნეიშენალის“ 100%-იანი წილის შეძენის გზით განსახორციელებელ კონცენტრაციაზე თანხმობა გასცა. დაგეგმილი კონცენტრაციის კონკურენტული ეფექტის შეფასება, სააგენტომ (იმპორტის დონე) 4 შესაბამის ბაზარზე განახორციელა. სააგენტოს შეფასებით, ბაზარი ზომიერად კონცენტრირებულია და მიუხედავად იმისა, რომ განსახილველი შესაბამისი ბაზრების იმპორტის დონეზე არ არის წარმოდგენილი ეკონომიკურ აგენტთა დიდი რაოდენობა, ბაზრები კონკურენტულია. ამასთან, დაგეგმილი კონცენტრაციის შედეგად, კონცენტრაციის ინდექსის ცვლილების მაჩვენებელი კანონმდებლობით განსაზღვრული ნორმის ფარგლებშია. შესაბამისად, სააგენტოს გადაწყვეტილებით, განსახორციელებელი კონცენტრაცია არ მოახდენს არსებით გავლენას ბაზარზე და თავსებადია კონკურენტულ გარემოსთან.
სააგენტომ მანგანუმის მადნის მოპოვება, შეძენა, რეალიზაციის ბაზარზე, ფ/პ გურამ თალაკვაძის მიერ შპს „მნკორპის“ 100%-იანი წილის შეძენის გზით განხორციელებულ კონცენტრაციაზე თანხმობა გასცა. ბაზრის ანალიზის შედეგად დადგინდა, რომ 2023 წელს, ქვეყნის მასშტაბით, ფეროსილიკომანგანუმის ექსპორტის ბაზარზე ეკონომიკურ საქმიანობას ახორციელებდა 30-ზე მეტი ეკონომიკური აგენტი. ბაზრის საერთო მოცულობამ შეადგინა 149 755 401.50 კგ. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კი გაუტოლდა 2849.7 ერთეულს, რაც მაღალკონცენტრირებული ბაზრის მაჩვენებელია. მანგანუმის მადნის მოპოვების ბაზარზე, 2023 წელს, ქვეყნის მასშტაბით, ეკონომიკურ საქმიანობას ახორციელებდა 5 ეკონომიკური აგენტი. ბაზრის საერთო მოცულობამ შეადგინა 967 242 ტონა. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) გაუტოლდა 9871.5 ერთეულს, რაც მაღალკონცენტრირებული ბაზრის მაჩვენებელია.
სააგენტომ, სასოფლო-სამეურნეო მანქანებით, მოწყობილობებითა და საკუთვნოებით საბითუმო ვაჭრობის სექტორში, ფ/პ იური კოროტჩენკოს მიერ შპს „აგრო მოტორსის“ (ს/ნ 401990093) 40%-იანი წილის საკუთრებაში მიღების გზით განხორციელებულ კონცენტრაციაზე თანხმობა გასცა. ბაზრის ანალიზის შედეგად დადგინდა, რომ 2023 წელს ქვეყნის მასშტაბით სასოფლო-სამეურნეო მანქანებითა და მოწყობილობებით საბითუმო ვაჭრობის ბაზარზე ეკონომიკურ საქმიანობას ახორციელებდა 120-მდე ეკონომიკური აგენტი. ბაზრის საერთო მოცულობამ შეადგინა 200 698 294.23 ლარი. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კი გაუტოლდა 651.82 ერთეულს, რაც დაბალკონცენტრირებული ბაზრის მაჩვენებელია. ამასთანავე, რადგანაც იური კოროტჩენკოს კონტროლს დაქვემდებარებული სხვა ეკონომიკური აგენტები კონცენტრაციის განხორციელებამდე არ საქმიანობდნენ სასოფლო-სამეურნეო მანქანებით, მოწყობილობებითა და საკუთვნოებით საბითუმო ვაჭრობის ბაზარზე, კონცენტრაციის განხორცილების შედეგად კონცენტრაციის (HHI) ინდექსი არ შეიცვლება.
