GCCA-ის სასწავლო კვლევითი ცენტრის ორგანიზებით, GCCA-ის წარმომადგენლებმა „ქალები მომავლისთვის“ და “იქომერს ასოციაცია საქართველოს” წევრ ორგანიზაციებთან მომხმარებლის უფლებების დაცვის საკითხებზე შეხვედრები გამართეს.
კონკურენციისა და მომხმარებლის დაცვის სააგენტოს თანამშრომლებმა შეხვედრების მონაწილეებს დეტალურად გააცნეს მომხმარებელთა კანონიერი უფლებები და ის ძირითადი ვალდებულებები, რომლებიც ბიზნესს მათ წინაშე აქვს. სააგენტოს წარმომადგენლებმა ორგანიზაციების წევრებთან ერთად პრაქტიკული მაგალითები და GCCA-ის მიერ დადგენილი სტანდარტები მიმოიხილეს, მათ შორის, ელექტრონული კომერციის მიმართულებით.
შეხვედრების მიზანი ბიზნესსექტორის წარმომადგენლების მხრიდან მომსახურების ხარისხის გაუმჯობესება და კანონით გათვალისწინებული სტანდარტების დანერგვა იყო.
