2017 წელს საქართველოში კონკურენციის პოლიტიკის ჩამოყალიბებისა და პრაქტიკული რეალიზაციის 25 წელი სრულდება. საიუბილეო თარიღთან დაკავშირებით, კონკურენციის სააგენტო, აღნიშნულ სფეროში მოღვაწე ადგილობრივ და საერთაშორისო ორგანიზაციებთან, სექტორში მოღვაწე მეცნიერ და პრაქტიკოს სპეციალისტებთან ერთად, ფართომაშტაბიანი ღონისძიებების განხორციელებას გეგმავს. საქართველოს კონკურენციის სააგენტოს თავმჯდომარე ნოდარ ხადურის ბრძანებით, შიდაუწყებრივი დროებითი კომისია შეიქმნა, რომელიც საიუბილეო ღონისძიებების კონკრეტულ გეგმას შეიმუშავებს და მათ განხორციელებაზე იქნება პასუხისმგებელი. ღონისძიებები 2017 წლის მარტსა და აპრილში ჩატარდება.
