საქართველოს კონკურენციის ეროვნული სააგენტოს მიერ შემუშავებული - შშმ პირთა უფლებების დაცვის 2021 წლის სამოქმედო გეგმის შესაბამისად, 20 დეკემბერს, შეზღუდული შესაძლებლობის მქონე პირთა უფლებრივი მდგომარეობის თემაზე გამართულ სამუშაო შეხვედრას სააგენტოს 25-მდე თანამშრომელი ესწრება. ონლაინ ფორმატში მიმდინარე ტრენინგს კოალიცია "დამოუკიდებელი ცხოვრებისათვის" ორგანიზაციის წარმომადგენლები უძღვებიან. 2020 წელს საქართველოს პარლამენტმა „შეზღუდული შესაძლებლობის მქონე პირთა უფლებების შესახებ“ საქართველოს კანონი მიიღო, რომლის მიზანია შშმ პირთა სამართლებრივი მდგომარეობის განსაზღვრა, მათი უფლებებისა და თავისუფლებების დასაცავად საკანონმდებლო გარანტიების შექმნა და საქართველოს კანონმდებლობაში კონვენციის ძირითადი პრინციპებისა და ღირებულებების ასახვა. არსებული კანონი - ადმინისტრაციულ ორგანოებს, მათ შორის, საქართველოს კონკურენციის ეროვნულ სააგენტოს კონკრეტული ვალდებულებების შესრულებას აკისრებს.
