საქართველოს კონკურენციისა და მომხმარებლის დაცვის სააგენტომ (GCCA) სამშენებლო, სარეაბილიტაციო და საპროექტო სამუშაოების მიწოდების სფეროში განხორციელებული კონცენტრაცია კონკურენტულ გარემოსთან თავსებადად ცნო. კერძოდ, საქმე ეხება შპს „საბა ინვესტის“ (ს/ნ 400269044) მიერ შპს „მედეგის“ (ს/ნ 418475929) 100%-იანი წილის შეძენის გზით განხორციელებულ კონცენტრაციას, რომელიც სააგენტოს პოზიციით, ბაზარზე არსებით გავლენას არ ახდენს და თავსებადია კონკურენტულ გარემოსთან.
GCCA-მა უმაღლესი განათლებისა და სამედიცინო მომსახურების მიწოდების სფეროში განხორციელებული კონცენტრაცია კონკურენტულ გარემოსთან თავსებადად ცნო. კერძოდ, საქმე ეხება ა(ა)იპ „ნიუ ვიჟენ უნივერსიტეტის“ მიერ შპს „ნიუ ვიჟენ საუნივერსიტეტო ჰოსპიტალი–მცხეთის“ 40%-იანი წილის შეძენის გზით განხორციელებულ კონცენტრაციას, რომელიც სააგენტოს პოზიციით, ბაზარზე არსებით გავლენას არ ახდენს და თავსებადია კონკურენტულ გარემოსთან.
GCCA-მა ელექტრონული კომუნიკაციებისა და ტელემაუწყებლობის სფეროებში განსახორციელებელ კონცენტრაციაზე თანხმობა გასცა. კერძოდ, საქმე ეხება შპს „პრაიმ მედია გლობალის“ მიერ შპს „ჯორჯიან მედია პროდაქშენ გრუპის“ 100%-იანი წილის შეძენის გზით განსახორციელებელ კონცენტრაციას, რომელიც სააგენტოს პოზიციით, ბაზარზე არსებით გავლენას არ ახდენს და თავსებადია კონკურენტულ გარემოსთან.
GCCA-მა ლიფტებისა და გათბობა-გაგრილების დანადგარ-მოწყობილობების მიწოდება-მონტაჟის სექტორებში განსახორციელებელ კონცენტრაციაზე თანხმობა გასცა. კერძოდ, საქმე ეხება შპს „ანაგი ქონსთრაქშენის“ მიერ შპს „აი-სი-ი“-ის 50 %-იანი წილის შეძენის გზით განსახორციელებელ კონცენტრაციას, რომელიც, სააგენტოს პოზიციით, ბაზარზე არსებით გავლენას არ ახდენს და თავსებადია კონკურენტულ გარემოსთან.
საქართველოს კონკურენციისა და მომხმარებლის დაცვის სააგენტომ უმაღლესი განათლებისა და სამედიცინო მომსახურების მიწოდების სფეროში განსახორციელებელი კონცენტრაცია კონკურენტულ გარემოსთან თავსებადად ცნო. კერძოდ, საქმე ეხება შპს „ევროპის უნივერსიტეტის“ მიერ შპს „წმინდა მიქაელის ჰოსპიტლის“ 100%-იანი წილის შეძენის გზით განსახორციელებელ კონცენტრაციას, რაც სააგენტოს პოზიციით, ბაზარზე არსებით გავლენას არ ახდენს და თავსებადია კონკურენტულ გარემოსთან.
საქართველოს კონკურენციისა და მომხმარებლის დაცვის სააგენტომ (GCCA) სამედიცინო - სტაციონარული და ამბულატორიული მომსახურების მიწოდების სფეროში განსახორციელებელ კონცენტრაციაზე თანხმობა გასცა. კერძოდ, საქმე ეხება სს „საქართველოს კლინიკების“ მიერ შპს „გორმედზე“ ერთპიროვნული კონტროლის მოპოვების გზით განსახორციელებელ კონცენტრაციას, რაც სააგენტოს პოზიციით, კონკურენტულ გარემოზე არსებით გავლენას არ მოახდენს.
GCCA-მა უმაღლესი განათლების სფეროში განხორციელებული კონცენტრაცია კონკურენტულ გარემოსთან თავსებადად ცნო GCCA-მა საქართველოს ეროვნული უნივერსიტეტის მიერ შავი ზღვის საერთაშორისო უნივერსიტეტის 100%-იანი წილის შეძენის გზით განხორციელებული კონცენტრაცია კონკურენტულ გარემოსთან თავსებადად ცნო - კონცენტრაციაში მონაწილე ორივე სუბიექტის საქმიანობის სფეროს უმაღლესი განათლების მიწოდება წარმოადგენს.
საქართველოს კონკურენციისა და მომხმარებლის დაცვის სააგენტომ (GCCA) ფიზიკური პირი თორნიკე კოტეტიშვილის მიერ შპს „ტკჯ“-ის 80 %-იანი წილის შეძენის გზით განხორციელებული კონცენტრაცია კონკურენტულ გარემოსთან თავსებადად ცნო.
შპს „ტკჯ“-ის საქმიანობის სფეროს საავტომობილო, საკონტეინერო და სამაცივრე-სასაწყობე დანიშნულების მქონე გათბობა-გაგრილების სისტემების რეალიზაცია და შეკეთება წარმოადგენს. განსახილველი კონცენტრაციის მხარეები და მათთან დაკავშირებული პირები ეკონომიკურ საქმიანობას ახორციელებენ სხვადასხვა ბაზრებზე. აღნიშნულის და ასევე, სამიზნე ეკონომიკური აგენტის საბაზრო პოზიციების გათვალისწინებით, სააგენტომ მიიჩნია, რომ განხორციელებული კონცენტრაცია ვერ მოახდენს გავლენას ბაზარზე და, შესაბამისად, თავსებადია კონკურენტულ გარემოსთან.
საქართველოს კონკურენციისა და მომხმარებლის დაცვის სააგენტომ (GCCA) ნაცრისფერი ცემენტისა და ბეტონის წარმოების ბაზრებზე შპს „ქართული ცემენტის“ მიერ შპს „ჯორჯიან ბილდინგ გროუფისა“ და შპს „ჯორჯიან ბილდინგ გროუფ ბეტონის“ წილების ან ქონების შეძენის გზით განსახორციელებელ კონცენტრაციაზე თანხმობა გასცა. მოთხოვნილ კონცენტრაციაზე შესაბამისი ინფორმაციის ანალიზის შედეგად დადგინდა, რომ როგორც ნაცრისფერი ცემენტის, ისე ბეტონის წარმოების ბაზრებზე კონცენტრაციის განხორციელების შემთხვევაში კონცენტრაციის ინდექსის ცვლილება დაშვებულ ნორმას გადააჭარბებდა, რის შემდეგაც დაინტერესებულმა მხარემ სააგენტოს ცვლილებები შესთავაზა - კონკრეტული ვალდებულებების აღების გზით. აღნიშნულის შესწავლა-შეფასების შედეგად, სააგენტომ განსახორციელებელი კონცენტრაცია კონკურენტულ გარემოსთან თავსებადად მიიჩნია და კონცენტრაციაზე თანხმობა გასცა.
სააგენტომ აზარტული, მომგებიანი თამაშობის მიწოდების სექტორში, შპს „ბეთლაივის“ (ს/ნ 404983238) მიერ შპს „გლობალ გეიმინგის“ (ს/ნ 405445077) 100%-იანი წილის შეძენის გზით განსახორციელებელ კონცენტრაციაზე თანხმობა გასცა. ბაზრის ანალიზის შედეგად დადგინდა, რომ 2024 წელს, აზარტული ან/და მომგებიანი თამაშების მიწოდების ბაზარზე წარმოდგენილი იყო 34 სუბიექტი. ბაზრის საერთო მოცულობამ 709 890 110.85 ლარი შეადგინა. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კი 1430.6 ერთეულს გაუტოლდა, რაც ზომიერად კონცენტრირებული ბაზრის მაჩვენებელია. ასევე, ვინაიდან შპს „ბეთლაივი“ და მასთან დაკავშირებული ეკონომიკური აგენტები კონცენტრაციის განხორციელებამდე არ არიან წარმოდგენილნი შესაბამის ბაზარზე, კონცენტრაციის განხორცილების შედეგად ადგილი არ ექნება კონცენტრაციის ინდექსის (HHI) ცვლილებას. შესაბამისად, სააგენტოს პოზიციით, განსახორციელებელი კონცეტრაცია კონკურენტულ გარემოზე არსებით გავლენას არ მოახდენს.
